Agerlong 3,111 tunnell fetrig a oedd yn eiddo i Gwmni Llongau Merevale o Gaerdydd oedd y CAMBANK. Roedd hi ar ei ffordd o Huelva yn Sbaen i Garston, Glannau Mersi, gyda chargo gwerthfawr o gopr. Tua 10 milltir i'r dwyrain o Drwyn Eilian, Môn, ymddangosodd llong danfor yn sydyn ryw 250 llathen i ffwrdd a thaniodd dorpido'n ddi-rybudd at y CAMBANK. Cafodd ei tharo yn ei chanol a dechreuodd suddo ar unwaith.