Roedd Fferm Ynysywern, sy’n dyddio o’r ddeunawfed ganrif neu gynt, yn rhan o ystâd Bute. Ar ddechrau’r ugeinfed ganrif, gwerthwyd y fferm er mwyn adeiladu Gorsaf Drydan Glan-bad ar y safle. Yn fwy diweddar, aeth olion y fferm a’r orsaf drydan i ddifancoll pan adeiladwyd Ystâd Fasnachu Trefforest.

Mae’r casgliad hwn o ffotograffau yn olrhain hynt a helynt y fferm a’r bobl oedd yn byw yno yn ystod y cyfnod o newid.