Trafodir y Coroni, Aberfan, yr Arwisgiad a Streic y Glowyr yn ystod y cyfweliad hwn. Mewn ty teras gorlawn y gwelodd y Coroni ond, wrth gwrs, erbyn y digwyddiad brenhinol arall, yr Arwisgiad, roedd teledu yng nghartref pawb bron. Cofia am wisg y Frenhines a chyfeiria at y protestwyr, gan nodi nad oedd yn medru deall eu gwrthwynebiad. Mae'r cyfwelai yn cofio'r tywydd erchyll y diwrnod y digwyddodd trychineb Aberfan a'r llif o bobl a aeth yno i geisio helpu. Yn sgil trafod Streic y Glowyr mae'n son am derfysgwyr Tonypandy ym 1910 a sut le yw'r Rhondda heddiw.