Archwiliwch y casgliad hwn o fapiau hanesyddol gan Archifau Ynys Môn, Archifau Conwy ac Archifau Morgannwg.

Mae’r mapiau hyn yn rhoi cipolwg ar sut roedd lleoedd ledled Cymru’n cael eu cofnodi a’u deall yn y gorffennol. Yn ogystal â dangos ffyrdd, ffiniau ac adeiladau, maen nhw hefyd yn datgelu sut mae rhai enwau lleoedd wedi newid dros amser, tra bod eraill wedi diflannu’n llwyr.