Ystyrir bod yr enw yn tarddu o'r Gymraeg Sgathrog sy'n golygu anheddiad garw neu greigiog. Ar ddechrau'r 13eg ganrif fe'i hymrwymwyd i bapur fel Skathrok a cheir llif cyson o gyfeiriadau trwy gydol y cyfnod canoloesol ac i mewn i oes y Tuduriaid gyda Skethrog yn ymddangos ym 1578 a Skatherogg ym 1583. Mae natur yr anheddiad yn parhau i fod yn ansicr. Mae'r enwau lleoedd a nodir uchod yn dangos bod rhywbeth yma yn yr Oesoedd Canol ond dim ond at ganolfan faenorol y gallai'r rhain gyfeirio. Awgrymwyd hefyd y gallai hyn fod wedi bod yn rhan o is-arglwyddiaeth gynnar yn ardal Llansanffraid. Adeiladau amlwg yw Tŵr Scethrog sy’n tarddu yn ôl pob tebyg yn y 14eg ganrif, Hen Persondy o’r 17eg ganrif, Scethrog House 1691 a Neuadd, tŷ hir sy’n deillio o’r 17eg ganrif.