Roedd ffyrdd milwrol yn mynd trwy'r ardal gyfagos hon gan gysylltu'r porthladdoedd arfordirol, caerau, gwersylloedd gorymdeithio a'r mwyngloddiau aur yn Nolau Cothi gan fod yn rhan o'r Via Juliia Montana a redai o Gaerllion i Gaerfyrddin . Mae'n annhebygol iawn bod rhan o'r ffordd Rufeinig hon wedi mynd dros ben yr Allt oherwydd, yn rhesymegol, y ffordd orau o osgoi'r ddringfa serth i'r copa fyddai defnyddio un o'r llwybrau isaf sy'n dal i fodoli. Nid yw’r union lwybr sy’n mynd i’r gorllewin yn glir ond byddai wedi cyrraedd yr A40 bresennol yn Llanhamlach lle’r oedd gwersyll Rhufeinig helaeth. Mae tystiolaeth gref hefyd fod y Rhufeiniaid wedi defnyddio llwybr yn mynd i’r gogledd o Gaerdydd a ddaeth i lawr dyffryn Caerfanell, heibio Penrhiw Calch, ar gyrion Tor-y-foel i’r gorllewin, a thrwy Faes Mawr i ryd yn Llansanffraid. Gallai’r fferm yn hawdd iawn fod yn safle strategol ar gyfer caer.