Wrth i boblogaeth y Barri gynyddu dros y bedwaredd ganrif ar bymtheg ac i'r dref ehangu, sefydlwyd nifer o westai yn y dref. Rhoddwyd hwb i hyn hefyd gyda datblygiad y Barri yn fwyfwy fel cyrchfan i dwristiaid. Ymhlith y gwestai yn y dref mae The Ship, un o westai hynaf y Barri. Wedi'i adeiladu yn 1860, roedd yn adeilad tô gwellt yn wreiddiol cyn cael ei ddymchwel a'i ddisodli yn 1891 gyda'r adeilad presennol. Mae gwestai eraill yn y dref yn cynnwys Gwesty Doc y Barri, Gwesty’r Barri, Gwesty’r Victoria, a Gwesty’r Castell ger y dociau.