Roedd nifer o swyddfeydd post yn gwasanaethu ardal y Barri o ddiwedd y bedwaredd ganrif ar bymtheg ymlaen. Yn 1885, adeiladwyd adeilad dros dro ar y safle a fyddai'n datblygu i fod yn Stryd Fawr y dref. Cadwyd y strwythur gwreiddiol gan Jim a Sarah Taylor. Yn ddiweddarach, adeiladwyd Swyddfa Bost mawreddog allan o friciau ar gornel Stryd Thomspon a Dock View Road, sydd wedi’i dymchwel erbyn heddiw. Gwasanaethwyd yr ardal ehangach hefyd gan swyddfa bost yn Sili gerllaw.