Yn 1946 symudodd wyth person i'r cartref henoed cyntaf i Iddewon hŷn yn St John's Crescent yn Canton - y “South Wales and West of England Home for Aged Jews”. O fewn dwy flynedd daeth yn amlwg bod angen cartref mwy o faint, ac yn y man cafodd Holme Towers, tŷ mawr ym Mhenarth, ei brynu. Fodd bynnag doedd hwn ddim yn addas gan ei fod yn llawer rhy bell i deuluoedd oedd yn byw yng Nghaerdydd.

Symudwyd i Penylan House ar 15 Hydref 1958. Gwnaed yr adeilad yn fwy yn 1965.

Oherwydd gwaith adeiladu'r A48 Eastern Avenue yn yr 1970, bu'n rhaid dymchwel y Penylan House gwreiddiol, a chafodd cartref newydd ei agor yn 1972. Yn 2014 ailgodwyd y tŷ unwaith yn rhagor, y tro hwn gyda 73 o ystafelloedd en-suite ac y mae bellach yn gartref preswyl, cartref nyrsio a chartref gofal sy'n cael ei redeg gan Linc Cymru. Mae ganddo gegin kosher o hyd ac mae'n galluogi'r preswylwyr Iddewig i barhau gyda'u ffordd o o fyw, er bod lleihad yn y boblogaeth Iddewig yn golygu nad yw'r mwyafrif o'r preswylwyr yno bellach yn Iddewon.