Daw'r tirluniau hyn o Gymru o gasgliad y dyngarwr Americanaidd, Paul Mellon (1907-1999). Mae ei gasgliad helaeth o weithiau celf, a gyflwynwyd i'r Yale Center for British Art, yn dangos datblygiad y byd celf ym Mhrydain o'r cyfnod Elisabethaidd ymlaen. Mae'r tirluniau hyn, yn bennaf o'r 18fed a'r 19G yn cynrychioli trawstoriad o'r lleoliadau hynny oedd yn mynd â bryd arlunwyr y cyfnod. Ymwelodd nifer fawr o arlunwyr â gogledd Cymru gan gynhyrchu gweithiau celf oedd yn nodweddiadol o'r cyfnod Rhamantaidd o baentio.