5,000 o flynyddoedd yn ôl, creodd y ffermwyr cyntaf fwyeill carreg i dorri coed.
Roedd yn dipyn o grefft dewis pa gerrig i’w defnyddio, cloddio’r garreg a’i naddu’n siâp bwyell. Cymerai oriau maith i droi bwyell arw yn declyn gorffenedig.
Cynhyrchwyd nifer anferthol o fwyeill yn Graig Lwyd, chwarel yn ardal Conwy. Mae cannoedd o dunelli o wastraff y gwaith naddu yno. O Graig Lwyd, cawsant eu masnachu i bob cwr o Brydain.